連登仔挑戰$15黑豆腐花撈飯　巴打：水泥撈飯？

食物賣相重要，抑或健康好味更重要？有連登巴打上載一張$15飯盒的相片，雖然指少油少鹽少糖味道清淡健康，但其賣相卻引來網民熱烈討論，紛紛指似水泥令人不開胃。

有連登巴打以〈「有圖慎入」第一次食$15飯盒〉為題發帖，以太太於沙田以15元買了一個飯盒，有肉有菜，包括有一條腸、3塊鴨胸片、2至3湯匙的肉燥、5至6片菜、多飯，但重點就是上面有一大堆黑豆製成的豆腐花撈飯。巴打形容，該盒飯少油少鹽少糖，味道好清淡。

不過，巴打絲打都集中在飯盒的賣相展開討論，不少網民都異口同聲指黑豆腐花的賣相似水泥，並稱「第一眼睇以為係水泥」，更表示「賣相差啲，如果食落好食都唔多開胃」。

經一眾網民搜尋後發現原來是一間位於大圍的小店，該店主打$15四餸大碗飯，標榜不加味精，而老闆的出發點不為賺錢，而是想回贈社會，定價$15是想公公婆婆都可食得開心又健康，保證他們「一定食得飽」。

該店的$15飯包括有一條腸仔、三片鴨胸、兩羹肉臊及時令蔬菜。而該店更有鹽燒鯖魚飯、清蒸倉魚飯和豆腐肉臊飯3款15蚊飯供選擇。為何豆腐花撈飯？老闆接受傳媒訪問時表示，以前常常聽見老人家說後生時會食豆腐花撈飯，又或者為慳錢常常在白飯加幾滴豉油調味，便可吃下一整碗飯。老闆發現，不少老人家都愛食豆腐加肉臊，而豆腐花的口感比豆腐更滑，猶如醬汁一樣，因此便構思了豆腐花代替豆腐撈肉臊飯，希望可以同時代替餸汁撈飯，更健康。